18-vjeçari – Yll Hiseni nga fshati Brod i Shtërpcës është gjetur i vdekur të enjten, një ditë pasi familjarët e kishin raportuar të zhdukur.
Policia njoftoi se i riu u gjet rreth 1 kilometër larg shtëpisë, në një livadh, rreth orës 13:20.
Mjekët e Qendrës së Mjekësisë Familjare në Shtërpcë kanë konstatuar vdekjen e tij.
“Sot më 11.12.2025 rreh orës 13:20 është gjetur, rreth 1 kilometër larg shtëpisë së tij, në një livadh, pa shenja jete. Vdekja e të cilit është konstatuar nga mjekët e Qendrës së Mjekësisë Familjare në Shtërpcë”, kanë thënë nga Policia e Kosovës.
Ndërkohë, sipas familjarëve, 19-vjeçari kishte dalë nga shtëpia në mesnatë më 10 dhjetor dhe nuk ishte kthyer më.
Ekipet policore kanë bërë të ditur se ndodhen në vendin e ngjarjes dhe nën udhëheqjen e prokurorit, po hetojnë shkaqet e vdekjes.
Në operacionin e kërkim-shpëtimit ka asistuar edhe Shoqata e Kosovës për Kërkim dhe Shpëtim.
