E prej tyre, dhjetë kanë qenë ndaj zyrtarëve policorë të shtetit.
Sipas kryeministrit, Albin Kurti përveç Policisë së Kosovës ajo pjesë e rrugëve ilegale duhet të monitorohet edhe nga KFOR-i.
“Policia e Kosovës i ka mbyllur shumë prej shtigjeve ilegale në veri të Kosovës. Mirëpo, këtu nuk kemi pasur edhe mbështetjen e mjaftueshme edhe të faktorëve ndërkombëtarë dhe kemi edhe rrugë ilegale që janë rihapur. Andaj, ne jemi të interesuar për sa më shumë bashkëpunim me KFOR-in që të mos ketë rrugë të tilla ilegale”, tha Kurti.
Në anën tjetër, Policia e Kosovës nuk ka dhënë detaje nëse për këto sulme ka persona të dyshuar.
“Policia e Kosovës është duke zhvilluar hetime lidhur me ngjarjet në pjesën veriore të Kosovës. Gjitha veprimet hetimore janë duke u ndërmarrë në bashkëpunim dhe koordinim me prokurorinë e shtetit”, thuhet në përgjigjen e Policisë.
E mospublikimin e këtyre informacioneve nga policia nuk po e sheh të duhur eksperti i sigurisë, Bedri Elezi.
Sipas tij me anë të kësaj forme po mundohet të fshihet e vërteta.
Tëvë1 ka kërkuar përgjigje edhe nga KFOR-i rreth kësaj çështje, mirëpo të njëjtit nuk kanë dhënë detaje.
Raporti i gazetares Fetije Kamberi.
