Kryetari i Aleancës për Ardhmërinë e Kosovës, Ramush Haradinaj, është mirëpritur në Gjermani nga Unioni i Bizneseve Shqiptare të prirë nga kryetari i kësaj organizate, Nazmi Viqa.
Haradinaj në Facebook ka thënë se është për admirim se si kjo organizatë ka arritur që në bashkëveprim të rrisin potencialin e tyre në tregun gjerman e më gjerë.
“Unioni i Bizneseve Shqiptare në Gjermani është shembulli më i mirë se me përkushtim dhe organizim të mirëfilltë arrihen sukseset. Është për admirim se si kjo organizatë ka arritur që në bashkëveprim të rrisin potencialin e tyre në tregun gjerman e më gjerë por edhe të ndihmojnë vendlindjen përmes projekteve të ndryshme”, ka thënëai.
Teksa ka falënderuar mërgatën për dedikimin e tyre të shkëlqyer për atdheun.
“Ishte nder i veçantë që sot në Mynih të Gjermanisë të pritem nga kjo organizatë në krye me kryetarin Nazmi Viqa dhe nga anëtarët e kryesisë, ku patëm mundësi të bashkëbisedojmë për angazhimet tona të përbashkëta. Mirënjohës për dedikimin e tyre të shkëlqyer për atdheun tonë të përbashkët!”, ka thënë Haradinaj.
