Në rrjetin social TikTok është bërë fenomen loja “Superman” e cila po shihet si rrezik për fëmijët. Madje një vajzë në Istog ka përfunduar në spital pasi kishte sfiduar vetën me këtë lojë. Psikologët tregojnë arsyet që po nxisin të rinjtë të provojnë këto sfida. Ndërsa ekspert e arsimit kërkojnë që institucionet të marrin masa.
Sfida e njohur si “Superman” është sfida e fundit e rrezikshme që po luhet edhe nga të rinjtë në Kosovë.
E këtë sfidë të enjten e bënë edhe disa nxënës në shkollën “Martin Camaj” në Istog, ku si për pasojë një vajzë përfundoi në spital.
Drejtoresha e shkollës jep detaje rreth këtij rasti.
“Në pushimin 5 minutash ka ndodh një lojë që e cila është emituar si sfida “SuperMan”, fëmijët kanë tentuar të luajnë këtë lojë, kanë qenë të përfshirë një grup i nxënësve prej tre personave. Vajza që ka qenë pjesë e kësaj loje ka pasur lëndime dhe ne si shkollë jemi munduar të japim ndihmën në mënyrën me të shpejt të mundshme dhe ajo ka përfunduar në spital. Por fatmirësisht gjendja e saj është e mirë dhe sot ajo vijon mësimin në shkollë”, tha drejtoresha e kësaj shkolle, Mimoza Kabashi.
E për këtë eksperti i arsimit kërkon që edhe institucionet në vend të marrin masa karshi këtyre lojërave të rrezikshme.
“Është e vërtetë që media dhe mediat sociale kanë ndikim shumë të lartë tek rinjtë dhe këto shumë shpejt po bëhen virale dhe shumë të rrezikshme. Unë mora vesh për rastet që kanë ndodhë brenda Kosovës e një loje shumë palidhje. Vërtetë ne nuk se popull i vogël nuk marrim masa dhe e dyta nuk e kemi një edukim të mirëfillte të të rinjve për përdorimi e rrjeteve sociale dhe e dyta është e rëndësishme të ndërmerret diçka që ndikon në vetëdijesim të këtyre dhe e dyta që të ndalohen me ligj”, tha njohësi i arsimit, Ismet Potera.
Psikologu, Naim Telaku ka treguar arsyet pse të rinjtë sfidojnë vetën me sfida të rrezikshme.
“Tek grup moshat e reja truri i tyre nuk është i rregulluar në atë formë që me rregull disa prej shtytjeve që munden me i pas ata, pastaj adoleshentet kanë nevojë me u përfshi edhe më u pelqy në aspektin social, dmth kanë nevojë me pas famën, pëlqimin, prestigjin e tyre. Pastaj nivel i monitorimit nga shkollat dhe institucionet disa raste është i vogël. Dhe në fund rrjeti sociale si TikTok janë të dizajnuar që të shtyrjen të rinjtë drejt veprimeve ekstreme”, tha Telaku.
Edhe në qytetin e Lipjanit disa nxënës janë lënduar për shkak të kësaj sfide, për këtë arsye Komuna ka bërë apel prindërve por edhe punonjësve të arsimit që të kenë kujdes në përmbajtjet që fëmijët iu ekspozohen.
