Buxhetin e sollën të rishikuar por jo krejt.
E i vetmi ndryshim që qeveria bëri, ishte buxheti për Ministrinë e Financave, me një shtesë prej 122 milionësh, për pakon e ringjalljes ekonomike.
Kjo u tentua të hyj në rend dite me shmangie procedurale, pasi deputetëve iu dha vetëm dy ditë me herët.
Por kjo s’u lejua nga opozita, e madje ngjalli edhe debat në parlament.
Por nga pushteti thanë se kjo s’është gjë tjetër veç asaj që u kërkua edhe nga ta, si ndihmë për qytetarët.
Veçse kjo formë, sipas LDK-së për më tepër është edhe joligjore.
Për ringjallje ekonomike janë pro, veçse jo në këtë formë, thanë nga AAK-ja.
Debati vazhdoi veçse për një pikë tjetër, atë për energjinë.
Veçse, sipas ministres, Shala i ngatërroi Ligjet.
Megjithatë pavarësisht diskutimeve, Kuvendi miratoi në lexim të parë projektligjin për Energjinë.
Kjo qe edhe e vetmja pikë që kaloi të shtunën në seancën e Kuvendit, meqë për të gjitha të tjerat u kërkua shmangie procedurale, përfshirë edhe ajo për Byronë shtetërore, për çka asnjëra nuk morën përkrahje nga opozita.
