Ambasadori i ShBA-së në Kosovë, Jeff Hovenier, e ka quajtur të rëndësishme Marrëveshjen e arritur dje në Ohër, mes kryeministrit të vendit, Albin Kurti dhe presidentit serb, Aleksandar Vuçiq.
Hovenier ka thënë se Shtetet e Bashkuara do të ofrojnë mbështetje të plotë për implementimin e obligimeve.
“Është arritur marrëveshje e rëndësishme. Shtetet e Bashkuara do të ofrojnë mbështetje të plotë për zbatimin e këtyre detyrimeve në përputhje me përpjekjet tona afatgjata për të avancuar sigurinë, stabilitetin dhe prosperitetin për popullin e Kosovës dhe të rajonit”, thuhet në reagimin e tij në Twitter.
Ai ka shpërndarë edhe postimit e Departamentit Amerikan të Shtetit për Evropë dhe Euroazi.
Departamenti thotë se dyja shtetet duhet të nisin menjëherë të implementojnë Marrëveshjet për normalizimin e marrëdhënieve
An important agreement has been reached. The United States will provide full support for the implementation of these obligations consistent with our long-term efforts to advance security, stability, and prosperity for the people of Kosovo and of the region. https://t.co/LYOh4ARX4R
— Ambassador Jeff Hovenier (@USAmbKosovo) March 19, 2023
Dje në Ohër, Kosova dhe Serbia u pajtuan, që të fillojnë zbatimin e Marrëveshjes për normalizimin e raporteve sa më shpejt që të jetë e mundur. Por, megjithatë, Marrëveshja nuk është nënshkruar nga asnjëra palë, pasi që sipas kryeministrit Kurti, presidenti serb, Vuçiq i ka ikur sërish nënshkrimit njëjtë si në bisedimet e 27 shkurtit në Bruksel.
