Deputeti i LDK-së, njëherësh ish-ministër i Shëndetësisë, Armend Zemaj, ka reaguar pas arrestimit të dy mjekëve në Gjilan nën dyshimin për marrje ryshfeti.
Zemaj ka shkruar se në sistemin e shëndetësisë në Kosovë, përveç se po vendosen militantë politik në QKUK e spitale rajonale, po vlon edhe korrupsioni e nepotizmi.
“Sigurisht e fatkeqësisht, si zakonisht, tani dalin i sulmojnë hetuesit dhe prokurorët duke iu dalur kështu në mbrojtje shkelësve të ligjit”, ka shkruar Zemaj duke aluduar në Qeverinë Kurti.
Zemaj ka shtuar se fjalën e fundit për këtë rast do ta thotë “kryeministri, prokurori e gjykatësi Kurti”.
“Kryeministri, prokurori dhe gjykatësi Kurti e ka fjalën e fundit. Verdikti dihet; shkelësit e ligjit – të VV-së, nuk duhet të hetohen, aq më pak të denohen”, ka deklaruar tutje ai.
