Ligji i ri i pagave me koeficientin në vlerë prej 105 euro të miratuar nga Qeveria e Kosovës, ka bërë që për disa zyrtarë publik paga bruto të ketë ndryshime.
Sipas një krahasimi të pagës bazë me ligjin e kaluar dhe atij që pritet të hyj në fuqi nga muaji shkurt, Presidentja e Kosovës pritet ta ketë pagën bazë 1 mijë e 890 Euro, nga 2 mijë e 743 sa e kishte, raporton teve1.info
Ndërkohë, kryetari i Kuvendit do të ketë rritje të pagës për 238 Euro.
Kurse kryeministri, do të kenë rritje të pagës nga 1 mijë e 75 në 1 mijë e 785 Euro.
Kryetarit të Gjykatës Kushtetuese paga pritet ti ulet për rreth 1 mijë e 500 Euro. Sipas koeficientit të ri, kryetari i Kushtetueses do të ketë pagë 1 mijë e 837 euro nga 3 mijë e 574 sa e kishte.
Kryeprokurori i shtetit tash do të paguhet 1 mijë e 785 Euro nga 1 mijë e 75 Euro sa e kishte pagën deri tani.
Deputeti tani do të marrë pagë bazë prej 1 mijë e 722 Euro nga 1 mijë e 547.
Ministri do të paguhet 1 mijë e 722 Euro nga 1 mijë e 200 sa e kishte deri tash.
Polici i lartë pagën bazë deri më tani e kishte 392 Euro derisa me ligjin e ri pritet ta ketë 619.
Ushtari sipas ligjit të ri të pagave do të paguhet 588 Euro nga 443 sa paguhej deri më tani.
Mësimdhënësi i shkollës së mesme tani do të paguhet 609 Euro nga 459 sa paguhej deri më tani.
Ai në shkollën fillore tani do të marrë pagë mujore prej 588 Euro nga 421 sa paguhej deri më tani.
Mjeku specialist tani do të paguhet 1 mijë e 260 Euro nga 659 Euro sa e kishte pagën aktualisht.
Mjeku i përgjithshëm tani do të paguhet 777 Euro nga 565 sa paguhej si dhe zjarrfikësit tani do të kenë pagë 525 nga 325 sa e kishin pagën në të kaluarën.
