Policia ka arrestuar një 17-vjeçar, të dyshuar për disa vjedhje dhe tentim-vjedhje në Ferizaj.
S.XH dyshohet se ka vjedhur disa vetura, ka tentuar të vjedhë disa të tjera e po ashtu ka tentuar të vjedhë edhe në disa shtëpi banimi.
“Policët hetues pas një pune intenzive, grumbullimit të informacioneve në terren, shikimit të kamerave të sigurisë, kanë arritur që të sigurojnë prova të mjaftueshme dhe të identifikojnë të dyshuarin tjetër S.XH (M/K) i moshës 17 vjeçar, e më pas mbrëmë rreth orës 23:00 ta arrestojnë, i cili dyshohet se ka kryer në bashkëveprim vjedhje dhe tentim vjedhje në Ferizaj :
– me datën 04.04.2023 në rrugën ‘’ Isa Boletini’’ është vjedhur një veturë pikap,
– me datën 04.04.2023 në rrugën ‘’Rexhep Bislimi’’ është vjedhur një veturë e tipit Passat,
– me datën 11.04.2023 në rrugën ‘’Daut Dauti’’ është vjedhur një kamionet e tipit Mercedes,
– me datën 11.04.2023 në rrugën ‘’Rexhep Bislimi’’ është tentuar të vjedhet në një shtëpi banimi,
– me datën 11.04.2023 në rrugën ‘’Riza Goga’’është tentuar të vjedhet në një shtëpi banimi dhe të vjedhet një veturë”, thuhet në njoftimin e policisë.
I dyshuari është ndaluar në mbajtje për 24 orë ndërsa automjetet e vjedhura u janë kthyer pronarëve.
