Zyrtarët e Qendrës së Komunikimit Rajonal të Policisë së Ferizajt, patën më shumë punë gjatë vitit 2025.
Kjo për shkak se thirrjet e qytetarëve u shtuan.
Qendra e Komunikimit Rajonal të Policisë së Ferizajt, pati mbi 21102 mijë thirrje gjatë vitit 2025.
“Në krahasim me vitin 2024 ku kanë qenë 86 mijë ë 100, d.m.th e kemi një rritje 19.1 për qind. Mandej kemi shkresa të Drejtorisë së Përgjithshme diku katër mijë e 900, ajo çka është më interesant te ne është veturat e verifikume që është një prej aktiviteteve të njësive që janë në teren dhe bëjnë verifikimin kërkojnë prej neve që me i verifiku a kanë regjistrim a s’kanë, vitin e kalum kanë qenë 1 mijë e 866 sivjet kanë qenë afër 2 mijë e diçka”, tregoi shefi i Qendrës së Komunikimit, Gani Pajaziti.
Shefi i Qendrës, Gani Pajaziti, thotë se kjo tregon se qytetarët kanë rritur besimin ndaj institucionit.
“Kjo është një parametër shumë i mirë dhe është I kënaqshëm për neve si Polici sepse jemi gradualisht duke shkuar kah ajo duke u barazuar me shtetet evropiane për nga besueshmëria e qytetarëve ndaj Policisë… Vetë shifrat po tregojnë se qytetarët janë të interesuar që të kontaktojnë Policinë përmes këtyre dy linjave të numrave që i kemi por edhe aplikacionit mobil për me informua Policinë lidhur me ngjarjet, ndodhitë që ndodhin në qytet”, thotë Pajaziti.
Kapiteni tregoi gjithashtu, se edhe raportimet përmes aplikacionit mobil “Lajmëro Policinë” janë rritur.
“Vetë fakti që I kemi mbi 102 mijë thirrje edhe përmes numrit por edhe përmes aplikacionit mobil ka rritje të ndjeshme në përqindje diku jashtëzakonisht të mirë që neve na I mundëson punën tonë në teren sepse kështu faktikisht ai subjekti që e sheh çka po ndodhë, kush po ndodhë, dmth na mbronë qytetari në atë aspektin e angazhimit të numrit të njësive në teren sepse Ferizaji si Ferizaj në gjithë regjionin e vet nuk mundet me i pasë numrin e madh të njësive në teren dhe qytetari është në fakt ai që bën zëvendësimin e tyre”, deklaroi ai.
Policia e Ferizajt u bënë thirrje qytetarëve që të mos hezitojnë dhe t’i kontaktojnë për çdo parregullsi.
