Ylli Kaloshi, zëdhënës në AKP, tha se Agjencia ka treguar gatishmërinë në mbështetje të Qendrës Klinike Universitare të Kosovës dhe qytetarëve në nevojë.
“Në bashkëpunim me transfuzionin e gjakut kemi organizuar aksionin e radhës për dhurim të gjakut. AKP për çdo vjet organizon aksion për dhurim të gjakut ku i bashkëngjiten dhjetëra zyrtarë të Agjencisë”, tha ai.
Ganimete Avdiu nga Qendra Kombëtare e Transfuzionit të Gjakut të Kosovës, tha se janë gjithmonë të gatshëm që të jenë sa më afër dhuruesve.
Ajo shtoi se çdo ditë ka nevojë në rritje për gjak, prandaj punojnë edhe vikendeve e festave.“Çdo ditë sa rritet numri i dhuruesve ku dhurojnë institucione organizata, fshatra. Jemi në AKP dhe gjithmonë mundohemi të jemi afër dhuruesve”, tha ajo.
Avdiu tha se duke e ditur që është kërkesë e madhe për gjak, KGJK duhet të jetë cdoherë e gatshme.
“Edhe jemi në aksion kudo që i kemi. Punohet edhe gjatë vikendit e festave”, tha Avdiu.
Kurse, Rrahim Jupolli zyrtar në AKP, tha se është dhurues i rregullt i gjakut qe 25 vjet.
“Mendoj që është e rëndësishme. Këtë punë e bëjë qe 25 vjet dhe jam dhurues i rregullt i gjakut dhe normal që jemi gjithmonë pjesëmarrës”, theksoi ai.
Edhe Beqir Krasniqi zyrtar nga AKP, tha se dhurimi i gjakut përveç që ndihmon ata që kanë nevojë ndikon edhe në shëndetin e dhuruesit.
“Është e rëndësishme për shëndet dhe kujtdo që ka nevoje për gjak. E imja e dyta herë është që po dhuroj gjak”, theksoi ai./EO/
