Kurti ka shprehur mirënjohje për mbështetjen e vazhdueshme të Zvicrës ndaj Kosovës, thuhet në njoftimin e qeverisë.
Ndërsa, sekretarja Leu tha se Kosova është shtet prioritar për Konfederatën Zvicerane. Teksa tutje ajo ka vlerësuar edhe miqësinë mes dy vendeve duke shprehu mirënjohjen për kontributin e mërgatës së Kosovës në Zvicër.
“Gjatë takimit u ritheksua gatishmëria e të dy qeverive për të konkretizuar edhe më tej bashkëpunimin në ekonomi dhe krijim të vendeve të reja të punës. U theksua se veçanërisht shkëmbimet tregtare dhe investimet në ekonomi mund të rriten”.
“U theksua zgjerimi dhe thellimi i bashkëpunimit sa më të afërt për sigurinë dhe prosperitetin e Ballkanit Perëndimor. Sekretarja Leu tha se Ballkani është shumë i rëndësishëm për Zvicrën dhe se raporti ndërmjet Serbisë dhe Kosovës është çelësi për këtë rajon”, thuhet në njoftim.
