Thirrën takim me mediet, por jo më kameramanët.
Në ftesën që është bërë nga Zyra e Rregullatorit për Energji është thënë se kamerat do të lejojnë vetëm 10 minutat e parë të takimit, pastaj në sallën e mbledhjeve mund të qëndrojnë vetëm gazetarët.
Por, kjo mënyrë nuk u pa si e duhur nga gazetarët.
Andaj këta të fundit nisin diskutimin.
Diskutimi zgjati për rreth 40 minuta.
E debati që zhvilluan këto dy palë kishte rezultat sepse pas shumë insistimesh nga ana e gazetarëve takimi u mbajt i hapur për media.
Petrit Pepa, drejtori menaxhues i zyrës së Rregullatorit për Energji, tregoi se për nga erdhi propozimi për rritjen prej 15% të energjisë elektrike.
“Pritet një rritje prej 15% dhe shkaktari kryesor është çmimi që ka ndodh në bursa të energjisë elektrike dhe për të cilën Kosova e ka ble ky është shkaktari kryesor nuk ka përshtatje të tjera që kanë ndikuar në këtë 15%. Të jeni të sigurt se edhe në raport me investimet edhe në raport me vlerat tjera të efikasiteti dhe në raport me lakoren e humbjeve, rregullatori i ka njohur vetëm ato që i ka njohur gjatë procesit të shqyrtimeve juridike. Shkaktar kryesor për rritjen e propozuar të tarifave është çmimi i shkaktuar i energjisë elektrike dhe duhet të kemi në konsideratë edhe një fakt tjetër se gjatë këtij viti njësit e Kosovës B do të jenë në remont për një kohë të gjatë dhe kërkesa për import të energjisë elektrike është e domosdoshme për më mujt me siguruar furnizim të qëndrueshëm për konsumatorët e këtij vendi”, ka deklaruar ai.
Nga ZRRE treguan se edhe kur pritet që të hyjë në fuqi vendimi që do të merret të premten e kësaj jave.
“Vendimi i cili do të pritet me u marr me datën 11 të këtij muaji do të hyj në fuqi prej datës 1 maj”.
Por, këtë tarifë mund ta ndryshojë dikush.
“Rregullatori e ka për obligim që në radhë të parë të kujdeset për furnizim të sigurt dhe të qëndrueshëm për konsumator të kujdesët që kostoja ose tarifat që kanë me i paguar këta konsumatorë të jenë të arsyeshme, e të kujdesët që tarifat ta reflektojnë koston e shërbimit që këta konsumatorë kanë me marr. Edhe Qeveria edhe kushdo tjetër këto raporte i ka, i ka lexuar e në çdo kohë mundet me ndërhy në aspektin e subvencionimit që me mujt me e zbut efektin e rritje që e ka”, tha ai.
E në adresën e Zyrës së Rregullatorit për Energji elektrike janë dërguan qindra komente nga qytetarë e figura politike.
“Këtu i kemi paraqitu edhe komentet që rregullatori i ka pranuar, domethënë janë diku 396 komente që janë pranuar nga qytetarët e ndryshëm, bizneseve që kanë dërguar komente të ndryshme te. E që rregullatori secilit koment do i jap përgjigjen e duhur, e që ato përgjigje do bëhen publike. Takimet me ministrinë e presidencën e me zyrën e deputetit është e paraparë që të mbahet të enjten kështu e kemi në plan ne do ju dërgojmë ftesën me i diskutuar komentet që i kanë dërguar”.
Njësoj siç mbajti takim me mediet, ZRRE do të mbajë takime edhe me personat e tjerë që kanë adresuar komente në ZRRE.
Të enjten, ky institucion do të takojë përfaqësues të Zyrës së Presidencës dhe të Zyrës së deputetit, Armend Muja.
Kundër shtrenjtimit të energjisë elektrike janë mbajtur protesta e janë bllokuar edhe zyrat e ZRRE-së.
