Nënkryetari i Prishtinës, Alban Zogaj ka mohuar akuzat e Lëvizjes Vetëvendosje se ka pasur marrëveshje me asamblistë të caktuar për votimin e buxhetit për vitin 2025.
Zogaj ka thënë se kanë bërë ftesa vazhdimisht për asamblesitët që të marrin pjesë në seancë dhe se në seancën e së hënës kanë qenë të pranishme të gjitha partitë.
“Këto azkua janë të pabaza dhe joserioze. Në qoftë se kanë argument duhet të drejtohen në organet tjera. Asmablistët sot kanë qenë në vendin e tyre të punës dhe të gjitha partitë kanë qenë të pranishme”, ka thënë Zogaj në emisionin “InfoNata” në Tëvë1.
Ai ka thënë se fakti i vetëm është se në seancë ka pasur vandalizëm nga shefi i asamblistëve të LVV-së, Gëzim Sveçla.
Lëvizja Vetëendosje ka akzuar kryetarin e Prishtinës, Përparim Rama se u ka ofruar para e shtëpia disa asmablistëve që të qëndrojnë në sallë dhe të votojnë buxhetin.
Ndryshe në seancën e jashtzakonshme të së hënës ku votua buxheti për kryeqytetin, pati një përplasje mes asamblistit të LVV-së, Berat Lahu dhe disa zyrtarëve të kësaj partie.
Ai sipas një video të publikuar në media, teksa diskutonte me Gëzim Sveçla dhe Egzon Azemi, të cilit i kërkonin Lahut, që të lëshojë sallën e të mos lë krijimin e kuorumit për kalimin e buxhetit komunal, reagon duke kërkuar llogari, se pse Vetëvendosja i kishte kaluar një kuorum kuvendit komunal dhe ku e përmend edhe kryeministrin Albin Kurti.
