Ylli i Kombëtares së Kosovës, Edon Zhegrova ka gjasa ti mungoj Lillet edhe në ndeshjen kampionale kundër Lyonit, që luhet këtë vikend.
Zhegrova ka kohë që është rikthyer në stërvitje me ekipin pas mungesës prej gati katër muajve, por trajneri Bruno Genesio ende nuk është i sigurt nëse do ta ftoj për duelin e së shtunës mbrëma.
Ai ka thënë se nuk është i sigurt nëse Zhegrova është 100 për qind i gatshëm por do ta shoh mundësinë nëse do ta ftoj apo jo kundër Lyonit dhe ka shtuar se gjëja më e rëndësishme është se sulmuesi i krahut po stërvitet me ekipin.
Zhegrova prej dhjetorit i ka munguar Lillet shkaku i lëndimit dhe nëse nuk ftohet ndaj Lyonit, atëherë do të ftohet për ndeshjen kundër Toulouset që luhet më 12 prill.
26-vjeçari këtë sezon ka shënuar 8 gola dhe ka bërë 2 asistime në 21 paraqitje në të gjitha garat, ndërsa me Lillen ka kontratë deri në vitin tjetër.
