Megjithatë, duket se e ardhmja e Edon Zhegrovës do të jetë te skuadra e Juventusit, me të cilën ka kontratë deri në verën e vitit 2030.
Ditët e fundit është raportuar për largimin eventual të Zhegrovës nga Juventusi në formë huazimi por duket se sulmuesi i krahut ka vendosur të mbetet në Torino.
Lazio dhe Al-Ittihadi ishin skuadrat që kishin kërkuar huazimin me detyrimin e blerjes së Zhegrovës por futbollisti i Kosovës ka refuzuar ofertat.
Ai dëshiron të qëndrojë te Juventusi për të dëshmuar cilësitë e tij dhe për ta bindur trajnerin Luciano Spalletti se meriton të paktën minutazhë më të madhe, nëse jo një vend titullari.
Sezoni i parë i Zhegrovës te skuadra italiane nuk ishte prej më të mirëve, duke pasur parasysh se ai pati minutazhë të vogël dhe gjithashtu edhe probleme fizike.
Deri më tani, Zhegrova ka 28 paraqitje për Juventusin në të gjitha garat, ku vetëm në një ndeshje ishte startues pasi në duelet tjera është inkuadruar nga banka e rezervistëve.
Ai u transferua te Juventusi verën e shkuar nga skuadra e Lillet për 15 milionë euro.
