Ylli i Kosovës, Edon Zhegrova është ftuar për ndeshjen e radhës që Juventusi e luan në kuadër të Serie A.
Trajneri Luciano Spalletti ka bërë publike listën e furbollistëve të ftuar për duelin ndaj Cagliarit.
Në mesin e 22 futbollistëve në listë, Spalletti ka përfshirë edhe Zhegrovën.
Ndeshja Cagliari – Juventus, luhet sot prej orës 20:45 dhe i takon xhiros së 21-të në Serie A.
Aktualisht, Juventusi është i katërti në tabelë me 39 pikë, 20 më shumë se Cagliari që zë vendin e 16-të.
Zhegrova deri më tani ka 199-të minuta lojë në Serie A, ku është aktivizuar në nëntë ndeshje prej të cilave vetëm në njërën ka qenë startues.
Mbetet të shihet nëse Zhegrova ndaj Cagliarit do të jetë startues apo do të inkuadrohet nga banka e rezervistëve.
26-vjeçari, para fillimit të këtij sezoni u transferua te Juventusi nga Lille për 20 milionë euro.
