Një djalë nga Deçani ka njoftuar policinë se nëna e tij ka dalë nga shtëpia më 2 dhjetor dhe nuk dihet për vendndodhjen e saj.
Lajmin për tëvë1.info e ka konfirmuar zëdhënësi i Policisë për rajonin e Pejës, Fadil Gashi.
Gashi tha se lidhur me rastin janë intervistuar pesë persona dhe se ende nuk është identifikuar lokacioni se ku ndodhet viktima.
“Më 6 dhjetor rreth orës 10:40, ankuesi ka ardhur në stacionin policor të Deçanit dhe ka raportuar se e ëma kishte dalë nga shtëpia më 2 dhjetor rreth orës 09:00 dhe nuk është kthyer që atëherë, pa dhënë ndonjë informacion për vendndodhjen e saj. Policia e Kosovës ka konfirmuar se rasti është regjistruar si një rast i personit të zhdukur, ndërsa hetimet dhe kërkimet vazhdojnë intensivisht. Deri më tani janë intervistuar pesë persona, por ende nuk është identifikuar lokacioni ku ndodhet ajo”, ka deklaruar Gashi./teve1.info/
