Policia e Kosovës ka raportuar për zhdukjen e tre personave në Fushë-Kosovë.
Përmes raportit 24-orësh, Policia ka bërë të ditur se të dielën një burrë ka dalë nga shtëpia dhe nuk dihet për vendndodhjen e tij.
“Fushë Kosovë 29.01.2023-11:00. Ankuesi mashkull kosovar ka raportuar se viktima mashkull kosovar ka dalur nga shtëpia dhe nuk dihet asgjë për vendndodhjen e tij”, thuhet në raport.
Sipas PK-së, edhe të hënën është raportuar se dy burra janë larguar nga shtëpia.
Nga Policia kanë thënë se rasti është duke u hetuar.
“Fushë Kosovë 30.01.2023 – NN. Është raportuar se dy viktimat meshkuj kosovarë janë larguar nga shtëpia dhe ende nuk dihet për vendndodhje e tyre. Rasti është duke u hetuar”, është bërë e ditur në raportin e PK-së. /Teve1.info/
