Zeqiri i ka bërë thirrje Inspektoratit Policor të Kosovës të mos e bëjnë publik çdo herë arrestimin e pjesëtarëve të policisë, pasi kjo sipas tij bëhet vetëm për vëmendje.
“Shumica e zyrtarëve policorë që janë përballë me Inspektoratin Policor të Kosovës, mbi 80 për qind prej tyre janë kthyer të pafajshëm. Halli tjetër i Policisë së Kosovës është që arsye pa arsye në veprime spektakolare, arrestohen policët e Kosovës nga Inspektorati i Policisë, të cilin unë e kam quajtur spektakël. Unë u kam bërë thirrje edhe atyre të mos bëjnë spektakël sepse çdo herë, arrestimi i një apo disa zyrtarëve policorë bëhet publik, ndërsa asnjëherë nuk bëhet publike kthimi i tyre i pafajshëm në vendet e tyre të punës”, tha ai në emisionin “Infonata” në Tëvë1.
Teksa tutje shtoi se ata tanimë ushtrojnë detyrat e tyre zyrtare në institucionin e Policisë.
