Në çantë mban flamurin e Shteteve të Bashkuara të Amerikës.
Por, lidhja e tij me këtë shtet shkon shumë më larg.
Është ky Uliks Gjonaj nga Gjakova, i cili punon si instruktor i policisë.
Por, ata që i trajnon Gjonaj, nuk janë zyrtarë të thjeshtë policor.
Nëpër duart e tij, kaluan edhe njësitet elitare policore të Shteteve të Bashkuara të Amerikës, e njohur si SWAT.
“Njësitë ma elitare gjatë trajnimit që i mbaj në Amerikë, dmth njësia ma e lartë është ajo e SËAT-it, pastaj kemi njësinë tjetër që është Sheriffs. Unë meqenëse jam instruktor i certifikuar nga Departamenti i Policisë i shtetit të Amerikës, dmth më tepër jam i fokusuar te Policia Amerikane”, thotë për Tëvë1, Uliks Gjonaj, instruktor i policisë.
Por, angazhimi i tij nuk është kufizuar vetëm në SHBA.
Gjonaj ka qenë pjesë e trajnimeve edhe me policinë zvicerane, austriake e kroate.
“Te policia zvicerane, te ajo austriake, pastaj te policia kroate, policia e Ballkanit që e përfshinë RENEA-n, pastaj policia e Maqedonisë, policia kriminale e Bosnjës. Dmth pjesa ma e madhe ka qenë me kontingjentet e NATO-s apo të KFOR-it, duke përfshirë prej forcave ushtarake amerikane edhe kontingjentet e tjera që janë suedeze, daneze, gjermane e tjera”, thotë ai.
Pavarësisht se i trajnoi njësitet me elitare policore në botë, ky rast zyrtarisht nuk iu dha në Policinë e Kosovës.
“Unë kam trajnuar në mënyrë interne disa grupe të pjesëtarëve të Policisë së Kosovës, mirëpo në mënyrë institucionale akoma nuk ka ndodhë. Nuk e di pse. Atë çka e kam dhe atë çka mund ta sjell nga SHBA-ja apo nga Izraeli, sepse edhe atje jam i certifikuar, mund ta sjell edhe në vendin tim këtu”, shprehet Gjonaj.
E përveç ushtrimeve praktike, Gjonaj i trajnon policët elitarë edhe në aftësitë taktike, reagimin në situata të rrezikshme dhe koordinimin gjatë operacioneve.
Për krejt këtë, Uliks Gjonaj përgatitjet për t’u bërë instruktor i policisë, i nisi në vitin 2009.
