Zeneli: Politikanët nuk duhet të merren seriozisht sa herë të flasin në media

Ai shtoi se Kosova hyn te vendet të cilat janë pjesërisht të lira, në kuptimin e lirisë së fjalës dhe lirisë së shprehjes.

I ftuar në “Ditari” në Tëvë 1, profesori universitar theksoi se politikanët nuk duhet të merren seriozisht gjithmonë kur flasin në media, për shkak se të njëjtit e dallojnë median e mirë dhe të keqe në bazë të problemit për të cilin raportohet.

“Për shikuesit është mirë ta dinë që edhe politikanët sa herë flasin për media, nuk duhet me i marr shumë seriozisht. Për faktin se ata flasin ndryshe në varësi nga dipotria e tyre politike. Sa ma larg që e kanë problemin për të cilin raportohet, për ta është media e mirë. Dhe sa ma afër e kanë problemin që raportohet në media, mediat janë të këqija”, tha Zeneli. /Teve1.info/