Në një intervistë për Fox News, Zelensky tha se Rusia ka frikë nga sanksionet.
“Kjo nuk i lë rehat, kjo ua rrëzon ekonominë e tyre. Por ka një pyetje se si funksionojnë sanksionet. Ne po u tregojmë dhe u themi Shteteve të Bashkuara dhe liderëve evropianë, të gjithë duhet të punojnë së bashku shpejt”, tha Zelensky, shkruan CNN, transmeton teve1.info.
Ndërkohë, ai tha se nëse Shtetet e Bashkuara të Amerikës dëshirojnë të kenë negociata të suksesshme, sanksionet duhet të kenë ndikim te oligarkët.
“Ato duhet të kenë ndikim t oligarkët, te presidenti i Rusisë dhe te të gjitha partitë dhe në përgjithësi në vend. Shtetet e Bashkuara duhet të vazhdojnë të punojnë për këtë nëse SHBA-të dëshirojnë të kenë negociata të suksesshme”, është shprehur tutje Zelensky, njofton teve1.info.
Ndërsa, sa i përket raportimeve se Ukraina ka sulmuar një depo karburanti brenda territorit të Rusisë, Zelensky tha se ka gjëra që i ndan vetëm me forcat ushtarake ukrainase.
