“Ky është vetëm një nga hapat e Federatës Ruse. Kjo po ndodh për të destabilizuar rajonin dhe për të kërcënuar Moldavinë”, tha Zelensky i pyetur nga një gazetar gjatë një konference të përbashkët shtypi në Kiev me drejtorin e përgjithshëm të IAEA Rafael Mariano Grossi të martën.
“Kjo po tregon se nëse Moldavia mbështet Ukrainën, kjo është ajo që do të ndodhë”, deklaroi ai.
Ditët e fundit, Ukraina ka akuzuar trupat ruse për gjuajtje me raketa dhe kryerjen e operacioneve në Transnistria, shkruan CNN, transmeton teve1.info
Kur u pyet për numrin e trupave ruse të pranishme në Transnistria, Zelensky deklaroi se forcat e armatosura ukrainase janë “të përgatitura dhe nuk kanë frikë” për t’u marrë me një front të ri të pushtimit ushtarak.
“Në lidhje me disa trupa ruse që janë vazhdimisht të pranishme në territorin e pushtuar përkohësisht – kjo ka qenë kështu për shumë e shumë vite. Ne e dimë se ata janë në gatishmëri, vetëm duke pritur urdhrin, “tha Zelensky.
