Presidenti i Ukrainës, Volodymyr Zelensky, kërkoi mbështetjen e vendeve të Ballkanit Perëndimor në luftë nga Rusia, raporton teve1.info
Në konferencën për medie pas Samitit të mbajtur në Tiranë, Zelensky tha se Ukraina duhet të punoj të ecë përpara, derisa kërkoi mbështetjen e vendeve të Evropës Juglindore në luftë me Rusinë.
Ai e ka falënderuar kryeministrin e Shqipërisë, Edi Rama për organizimin e Samitit, derisa ka kërkuar nga vendet e Ballkanit Perëndimor që të jenë pjesë e Samitit Global të Paqes.
“Ukraina si edhe i gjithë Rajoni i Evropës Juglindore duhet të vijojmë që së bashku të punojmë, të ecim papara, të merrni pjesë në Samitin Global të Paqes, të na mbështesni edhe në formulën tonë të e paqes, planin me 10 pika. Lufta është filluar nga një person i vetëm por puna përpara është një punë që do ta bëjmë së bashku kështu që të gjithë ata që i vlerësojnë rregullat, rendin botëror të bazuar tek rregullat, duhet të na mbështesni, sepse lufta dhe ne jemi shumë më shumë se një person i vetëm i agresorit, duhet të na ndihmoni”, tha Zelensky.
“Faleminderit për mbështetjen tuaj, zoti kryeministër, lavdi Ukrainës”, u shpreh Zelensky.
Presidenti Ukrainas, Volodymyr Zelensky, i cili po qëndron në Shqipëri që nga mbrëmja e së martës, tha se shtetet e Ballkanit Perëndimor duhet të kenë besim tek Ukraina drejt anëtarësimit në BE.
“Ne duhet që ju të keni besim tek ne, stabiliteti që ne do të mund t’i ofrojnë Evropës, komunitetit euroatlantik dhe integrimit tonë të plotë në BE. Neve na duhet më shumë besim tek çfarë mund të bëjmë ne, që ju të keni tek ne besim, stabiliteti që ne mund t’i ofrojmë Evropës, komunitetit por edhe vlerave të përbashkëta të komunitetit euroatlantik dhe integrimit të plotë tonin në BE. Ne mbështesim edhe integrimin e vendeve të Ballkanit Perëndimor në BE por edhe ju duhet të na mbështesni neve”, deklaroi Zelensky.
