Sulmuesi i krahut, Bryan Zaragoza i është bashkuar Bayern Munichut para kohe.
Edhe pse ishte njoftuar se ai do të ishte pjesë e ekipit gjerman prej edicionit të ardhshëm, Zaragoza është bërë tashmë pjesë e Bayernit dhe është prezantuar të enjten.
Ai te Bayerni është transferuar nga skuadra e Granadas për 13 milionë euro, ndërsa me skuadrën gjermane ka firmosur kontratë deri në vitin 2027. Ai ka thënë se ndihet krenar që do të jetë pjesë e një prej ekipeve më të mira në botë, ndërsa te Bayerni do ta bartë fanellën me numrin 17.
Këtë edicion, 22-vjeçari ka shënuar 6 gola dhe ka bërë 2 asistime në 21 paraqitje për Granadan.