Barcelona po përpiqet të finalizojë largimet e disa lojtarëve para se të mbyllet afati kalimtar I transferimeve të hënën.
Oriol Romeu pritet të largohet pas arritjes së një marrëveshje për të përfunduar kontratën e tij, ndërsa Fermin Lopez mund të kalojë te Chelsea nëse insiston për largimin, ndërsa Hector Fort është një largim i sigurt.
Fort nuk ka vend në skuadrën e Hansi Flick për sezonin 2025/2026, pasi ai është pas të paktën dy lojtarëve në secilën pozitë të mbrojtësve të krahut.
Për këtë arsye, është marrë vendimi që ai të largohet me huazim dhe, në këtë moment, Mallorca është ekipi favorit për të siguruar shërbimet e tij.
Për javën e dytë radhazi, Fort do të mbetet jashtë skuadrës së Flick për ndeshjen e javës.
Sipas Mundo Deportivo, ai nuk do të udhëtojë në jug të Madridit për ndeshjen e La Ligas ndaj Rayo Vallecano, dhe në vend të kësaj, do të luajë një miqësore me Barca Atletic për të ruajtur nivelet e tij të formës fizike.
Gjithashtu, është raportuar se Fort nuk ka stërvitur me skuadrën e parë të Barcelonës të shtunën, një tjetër tregues se ai është gati për t’u larguar.
Mallorca ende nuk ka mundur të sjellë Fortin, pasi ata duhet të finalizojnë largimin e Pablo Maffeo.
Mbrojtësi i djathtë spanjoll-argjentinas tani është afër kalimit te skuadra braziliane Atletico Mineiro, dhe sapo të ndodhi kjo, Barcelona do të marrë dritën e gjelbër për të lejuar largimin e mbrojtësit të ri.
