Paris Saint-Germaini ka kaluar në rrethin tjetër të Kupës së Francës, pavarësisht mungesës së yjeve në sulm.
Lionel Messi, Kylian Mbappe dhe Neymari nuk ishin të pranishëm në fitoren e së premtes mbrëma të PSG-së në udhëtim te Chateauroxi, ndeshje e cila i takoi 1/32-tës së finales së Kupës së Francës.
PSG-ja fitoi 3:1 me golat e Hugo Ekitikes, Carlos Solerit dhe Juan Bernatit. Për vendësit golin e vetëm e shënoi Thio Ntolla.
Kjo skuadër bën gara në rangun e tretë të futbollit francez, derisa PSG-ja është kthyer në një prej skuadrave më të fuqishme evropiane.