Barcelona dhe Lamine Yamal duket se janë të destinuar të nënshkruajnë kontratë të re afatgjate në verën e këtij viti kur sulmuesi të mbush 18 vjet.
Bëhet e ditur se Yamal tashmë ka njoftuar Barcelonën se pret një ofertë tjetër dhe më të mirë prej asaj që ishin marrë vesh në vitin 2023 për të vazhduar bashkëpunimin.
Me kontratën e re, që pritet të jetë deri në vitin 2031, Yamal sipas të gjitha gjasave do të bëhet futbollisti më i paguar te Barcelona, epitet që aktualisht e mbanë Robert Lewandowski me pagë vjetore prej 16 milionë eurosh.
Yamal, tashmë është shndërruar në lojtarin kryesor të Barcelonës dhe ndër më të merituarit që ekipi këtë sezon fitoi Superkupën, Kupën dhe titullin e kampionit të Spanjës.
Në 54 ndeshje të luajtura në të gjitha garat, Yamal ka shënuar 18 gola dhe ka bërë 25 asistime.
