Në këtë vikend do të zhvillohen ndeshjet e xhiros së 6-të të Superligës së Kosovës në futboll. Kjo xhiro karakterizohet me disa sfida tejet interesante të përcillur nga disa derbi.
Në ditën e shtunë do të kemi dy ballafaqime, Malisheva kundër Dukagjinit dhe Drenica me Trepçën 89.
Të dy këto ballafaqime do të zhvillohen prej orës 15:00.
Malisheva si vendase pret të rikthehet në “Liman Gegaj” e të gjejë serinë e fitoreve, kurse Dukagjini pasi nuk ka pasur as dhe një fitore e po pret të këndellet.
Drenica pret në shtëpi skuadrën e Trepçës 89, kuq e zinjtë do të tentojnë ta ruajn vendin e mesit në renditjen tabelare kurse minatorët shkojnë në “Bajram Aliu” për të gjetur emocionet e fitores së parë.
Në ditën e dielë do të luhen tre ndeshje të flakta të gjitha në ora 15:00. Ballkani pas një fitore si musafir në xhiron e kaluar kundër Prishtinës, kërkon ta vazhdoj serinë e fitoreve kësaj here kundër skuadrës së Dritës, do të jetë një ndeshje shumë interesante ku dhe gjilanasit kërkojnë fitore. Ndeshja zhvillohet në “Rexhep Rexhepi” të Drenasit.
Ndeshje tjetër do të jetë në mes të Gjilanit dhe Prishtinës. Gjilanasit do të kërkojnë ta ruajn kryesimin në renditjen tabelare, kurse Prishtinasit kërkojnë fitore pas humbjes si vendas në “Fadil Vokri”.
Dhe ndeshja e fundit në mes të Ferizajit dhe Llapit. “Ujqërit” kërkojnë fitoren e parë pas rikthimit në superligë, kurse llapjanët synojnë të nxjerin fitoren e dytë në këtë edicion. /Tëvë1/
