Xërxa theksoi se institucionet arsimore duhet që ta bëjnë mësimin më atraktiv dhe të mos përdoren metoda demode, siç janë tani.
“Duhet shoqëria, institucionet relevante arsimore të mendojnë që të bëjnë masa më atraktive dhe në trend me kohën. Rinia e sotme nga aspekti teknologjik janë shumë të avancuar, derisa metodat tradicionale të cilat i përdorim gjatë mësimnxënies dhe sistemit arsimor mos të them se janë demode, por nuk përkojnë me trendin, as me tregun e punës ditëve të sotme, por as me mënyrën e të menduarit se si rinia e sotit i shikon gjërat”, tha ai në “Ditari” në Tëvë 1.
Sipas tij, nxënësit nuk janë të interesuar të shkojnë në shkollë për shkak të mungesës së atraktivitetit, dhe kjo i bën të njëjtit të bëhen pre e bandave të ndryshme.
“Duke i parë që nuk është atraktive rinia sistemi arsimor, ata gjejnë mënyra të abuzojnë me mësimnxënie, pra nuk janë të interesuar të shkojnë, mungojnë…Dhe këto munden me qenë disa indikatorë apo disa faktorë të cilët i shtijnë të merren, duke ditur që janë hiperaktiv dhe nuk merren me ato rrethanat e domosdoshme që i takojnë një nxënësi, ata pastaj kalojnë duke u bërë pre e grupeve të ndryshme, apo bandave, klaneve brenda shkollës apo jashtë shkollës”, shtoi Xërxa. /Teve1.info/
