Njohës i zhvillimeve politike, Visar Xani tha se kryeministrti Albin Kurti, nuk ka më vijë të kuqe sa i përket themelimit të Asociacionit me shumicë serbe.
Duke folur për kushtet për krijimin e Asociacionit nga ana e kryeministrit, ai tha se Kurti sot pranoi që është afër pranimit të realizimit të marrëveshjeve, të cilat sipas Xanit, Kosova i ka obligim t’i zbatojë.
“Ne sot po shohim një ndryshim, një ripranim të asaj që është arritur në Bruksel duke e pranuar se marrëveshjet e Brukselit kanë qenë kompromise për të ecur tutje, por nuk kanë qenë kompromise dhe tradhti në Bruksel. Por ato kanë qenë vetëm marrëveshje për të lehtësuar procesin integrues, për t’i zbutur tensionet, për t’i integruar serbët në strukturat institucionale të Kosovës, për t’i shuar strukturat paralele, që sot Kurti mbase pika më diskutabile ishte që kërkoi madje edhe dorëzimin e armëve dhe kjo nga pika do të analizohet mbase pak më thellësisht çka ka dashtë të mendojë me këtë për shkak që një deklaratë e tillë e Kurtit mund të ketë veprime jo të përshtatshme në procesin e dialogut”, tha ai në emisionin “Ditari” në Tëvë1.
Madje Xani tha se kryeministri Kurti, ua ka humbur edhe koncentrimin e personave që ishin në krah të tij kundër Asociacinit me deklaratat e tij të sotme.
“Kryeministri Kurti më s’ka vijë të kuqe për Asociacionin. Madje ua ka humbur koncentrimin edhe disave që ishin në krah të tij, kundër Asociacionit tash e kanë dilemën nëse do të pranohet ose duhet të jenë pro këtij Asociacioni apo jo. Gjithsesi të gjitha pikat janë thënë edhe prej amerikanëve edhe prej të tjerëve se këto janë ato pika të cilat realisht janë që duhet të realizohen. Pra që mundëson njohje, shuarjen e strukturave paralele, që mundëson njëfarë mënyre lehtësimin e integrimit dhe përgjegjësi për një proces dialogues përmbyllës dhe që hap rrugën për njohjen e ndërsjell ose finalizimin e procesit të dialogut”, tha ai.
Kurse sot, kryeministri Kurti ka thënë se Kosova është e gatshme ta pranojë Asociacionin sipas marrëveshjes së vitit 2013.
Sipas tij Asociacioni duhet të jetë në përputhje me Kushtetutën dhe ligjet e vendit. Po ashtu ai ka kërkuar që paraprakisht të shuhen strukturat ilegale dhe se Asociacioni duhet të zbatohet pas njohjes reciproke./teve1.info./
