Kryeministri në detyrë i Kosovës, Albin Kurti ka uruar të gjithë qytetarët e Kosovës, për njohjen e Pavarësisë së Kosovës nga populli i Bahamasit.
Kurti i ka shpreh mirënjohje edhe presidentes së Kosovës, Vjosa Osmanit për arritjen dhe forcimimin e subjektivitetit ndërkombëtar të Kosovës.
Ai u shpreh se viti 2024 ka qenë vit i pasaportës, kurse 2025 vit i njohjeve të reja.
“Urime të gjithë qytetarëve dhe një mirënjohje e veçantë për presidenten tonë, Vjosa Osmani, zyrtarët shtetërorë dhe partnerët tanë për një tjetër arritje në forcimin e subjektivitetit tonë ndërkombëtar. Kosovës po i shtohen miqësitë e reja dhe, bashkë me to, edhe mundësitë e bashkëpunimit. Mezi presim që njohjen e ndërsjellë ta kthejmë në partneritet të sinqertë me shtetin dhe popullin e Bahamas”, ka shkruar Kurti./teve1.info/
