Analisti, Visar Xani, konsideron se as Qeveria e Kosovës e as opozita nuk duhet t’i përdorin sulmet terroriste në veri për efekte elektorale.
Xani thotë se sot kryeministri Albin Kurti gjatë adresimit të tij u bë pjesë e diskutimeve elektorale në momentin kur kritikoi veprimet e disa opozitarëve, portaleve dhe analistëve rreth situatës pas sulmit në Zubin Potok.
“Është me rëndësi që as Qeveria e as opozita rastet e tilla se ky në Zubin Potok të mos i përdorin për efekte elektorale. Kurti duke kritikuar veprimet e disa opozitarëve, portaleve e analistëve u bë vetë pjesë e kësaj çështje, pra diskutimeve elektorale. Konsideroj që situatat e tilla do të duhej të përjashtonte gjuhen politike që kanë të bëjnë me politikat dhe agjendat ditore mbase do të mund të kalonin katër orë ose më shumë për të dhënë dhe për të bërë analiza dhe kritika karshi personave të cilët për Qeverinë nuk mund të kenë mirë, pra Qeveria e sheh që ata mendojnë ndryshe, por nuk është mendimi i tyre i duhur dhe veprimet e tilla konsideroj se edhe ky ishte i ngutshëm dhe i pothuajse i ngjashëm me atë që bëri ish-kryeministri Haradinaj”, tha ai në emisionin “Këndi i Debatit” në Tëvë1.
Analisti deklaroi se në aspektin politik, në kësi kriza, qytetarët presin në ankth informacione të terrenit dhe unitet e qëndrime të qarta se çfarë po ndodh, nuk kanë dëshirë të shohin analiza për pozitën ose opozitën.
