Fundori amerikan, Derrick Wilson është rikthyer në basketbollin kosovar por jo te Sigal Prishtina.
Wilson, të martën është zyrtarizuar te skuadra e Golden Eagle Yllit, me të cilën ka firmosur për pjesën e mbetur të këtij sezoni.
Amerikani që sezonin e shkuar ishte ndër më të dalluarit te Sigal Prishtina, po shihet si përforcim i madh për skuadrën e Yllit.
Wilson e njeh mirë kampionatin kosovar, në të cilin sezonin e kaluar luajti me një mesatare prej 12 pikëve, 5 kërcimeve dhe 6 asistimeve për ndeshje.
Skuadra e Yllit, aktualisht zë vendin e gjashtë në tabelë me 28 pikë, 6 më pak se Trepça e Bashkimi që janë në dy pozitat e para.
