Dy vite me parë Timo Werner firmosi me Chelsea nga RB Leipzig, por që nuk ishte në gjendje të përsëriste formën e golave nga Bundesliga në Premierligë. Ky shkak i shtyri Blutë të qesin anësorin gjerman në shitje për një klauzolë lirimi prej 45 milionë eurosh.
Bisedimet shkuan shpejt dhe tani është arritur një marrëveshje mes Chelsea dhe Leipzig. Sipas Sky në Gjermani, blutë kanë rënë dakord me Leipzig për kalimin e Werner në Gjermani për 30 milionë eurove, derisa pritet që këtë javë të zbresë në “Red Bull Arena”.
Për 26-vjeçarin u tha se kishte krisur marrëdhënien tij me trajnerin e Chelseat, Thomas Tuchel, por me vonë u përfol se Tuchel nuk ishte i gatshëm ta linte sulmuesin të largohej.
Anësori, i cili gjithashtu tërhoqi interes nga Juventusi, shënoi 23 gola në 89 paraqitje në të gjitha garat për Chelsean, por ai zhvilloi vetëm 15 ndeshje në Premier League sezonin e kaluar, duke shënuar katër herë.
Ai me blutë e Londrës fitoi trofeun e Ligës së Kampionëve, Superkupën e Evropës dhe Kupën e Botës për klube.
Werner në sezonin e ri nuk ishte në skuadër për fitoren hapëse të sezonit të Chelseat ndaj Evertonit me shifra 1:0. /Tëvë1/