Cristiano Ronaldo dhe Lionel Messi kanë kërcënuar sërish të “shpërthejnë” internetin, pasi u shfaqën në një tjetër reklamë për Kupën e Botës, këtë herë së bashku me disa yje të tjerë.
Dy futbollistët më të mëdhenj të të gjitha kohërave kishin bashkëpunuar edhe më parë përpara edicionit të vitit 2022 në një reklamë të Louis Vuitton, ndërsa tani janë ribashkuar në prag të Kupës së Botës 2026 që do të zhvillohet në Shtetet e Bashkuara.
Së bashku me yjet e rinj Kylian Mbappe dhe Vinicius Junior, Ronaldo dhe Messi shfaqen në një reklamë të re të LEGO me sloganin “Everyone wants a piece”, që promovon setet e tyre të reja koleksionuese.
Të katër futbollistët paraqiten në formë mini-figurash LEGO, të ulur rreth një tavoline me ndriçim të zbehtë, ku në qendër ndodhet një version LEGO i trofeut ikonik të Kupës së Botës.
Tavolina fillon të rrotullohet ndërsa superyjet përpiqen të vendosin figurën e tyre mbi trofe, një simbol që Messi arriti ta fitojë më në fund në stadiumin ‘Lusail’ në Katar.
