Policia e Kosovës ka arrestuar një person në Vushtrri, i cili dyshohet se ka tentuar të dhunojë një grua.
Sipas raportit 24-orësh të Policisë, përveç tentativës për dhunim, i dyshuari ka ushtruar edhe kanosje ndaj viktimës.
“Lidhur me rastin është informuar prokurori. Pas intervistimit, me vendim të prokurorit, i dyshuari është liruar në procedurë të rregullt,” thuhet në raportin e policisë.
Hetimet për rrethanat e ngjarjes vazhdojnë, ndërsa autoritetet bëjnë thirrje për kujdes dhe raportim të rasteve të dhunës.
