Presidenti serb Aleksandër Vuçiq, ka takuar të mërkurën ambasadorin amerikan në Serbi, Christopher Hill, raporton teve1.info
Përmes një shkrimi në Instagram, Vuçiq ka shkruar se me Hill biseduan për vazhdimin e dialogut me Prishtinën.
“Një bisedë kuptimplote dhe e hapur me ambasadorin Christopher Hill @usembassyserbia për vazhdimin e dialogut me Prishtinën, situatën në rajon, zhvillimet aktuale gjeopolitike dhe bashkëpunimi dypalësh ndërmjet Serbisë dhe SHBA-së. E ritheksova qëndrimin konsistent të Serbisë, e cila vazhdon të bëjë të gjitha përpjekjet për të gjetur një zgjidhje të qëndrueshme për mbrojtjen e popullatës serbe në Kosovë dhe ruajtjen e interesave të saj kombëtare. Gjithashtu konfirmuam vendosmërinë tonë reciproke për të vazhduar përmirësimin e mëtejshëm të marrëdhënieve serbo-amerikane”, ka shkruar ndër të tjera Vuçiq.
