Presidenti i Serbisë, Aleksandar Vuçiq, ka deklaruar se nuk pret ndryshime të rëndësishme në terren pas paralajmërimit të NATO-s për zvogëlimin gradual të numrit të pjesëtarëve të KFOR-it në Kosovë gjatë vitit të ardhshëm.
Gjatë një vizite zyrtare në Tbilisi të Gjeorgjisë, ai tha se Shtetet e Bashkuara me shumë gjasë do ta reduktojnë praninë e forcave të tyre në kuadër të misionit paqeruajtës, por sipas tij kjo nuk do të ndikojë në gjendjen e sigurisë.
“SHBA-ja me siguri do ta zvogëlojë gradualisht praninë e saj, por të tjerët do ta mbajnë numrin në të njëjtin nivel, kështu që në thelb asgjë nuk do të ndryshojë”, deklaroi Vuçiq, raportojnë mediet në Serbi, transmeton KosovaPress.
Ai tha se pret që KFOR-i dhe NATO-ja të vazhdojnë të garantojnë sigurinë e serbëve dhe të objekteve fetare në Kosovë.
Deklarata e presidentit serb vjen pasi NATO njoftoi më 12 qershor se, për shkak të përmirësimit të situatës së sigurisë, do të nisë një proces gradual të sic u quajt, optimizimit të misionit në Kosovë.
