Një grua është vrarë në Prishtinë si pasojë e gjuajtjes me armë zjarri, raporton teve1.info.
Zëdhënësja e Policisë për Rajonin e Prishtinës, Flora Ahmeti tha për tëvë1.info se Policia ka dalë menjëherë në vendin e ngjarjes, ku në një veturë kanë hasë në një person pa shenja jete.
Derisa sipas saj, vdekjen e viktimës e ka konstatuar ekipi mjekësor.
“Rreth orës 20:20, kemi pranuar informatën për të shtëna me armë në rrugën “Dalip Alshiqi” në Prishtinë. Policia si dhe mjekët emergjent, menjëherë kanë dalë në vendin e ngjarjes, ku në një veturë kanë hasë një person pa shenja jete. Vdekjen e viktimës (femër) e ka konstatuar ekipi mjekësor në vendin e ngjarjes .Mbështetur në informacionet e para, dyshohet se bëhet fjalë për vrasje me armë zjarri”, tha Ahmeti.
“Policia në koordinim me prokurorinë, ka nisur hetim dhe ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”./teve1.info./
