Ka marrë fund arratia e Xhemail Nuhiut, i akuzuar për vrasjen e Muhamet Matoshit në Hajvali të Prishtinës.
Sipas Top Channel, duke iu referuar dokumenteve të Gjykatës së Ekstradimeve në Londër, përpara kësaj gjykate ka dalë Xhemail Nuhiu, 47 vjeç.
Nuhiu ishte shpallur në kërkim nga Policia e Kosovës, pasi akuzohet se më 11 gusht 2025 ka kryer vrasjen e Muhamet Matoshit në Hajvali të Prishtinës.
Ai është arrestuar nga skuadra e gjurmimit të personave të kërkuar në Policinë Metropolitane të Londrës.
Më herët, Njësia e Hetimeve të Përgjithshme, që vepron në kuadër të Drejtorisë Rajonale të Policisë në Prishtinë, me autorizim të prokurorisë kompetente, kishte shpallur në kërkim Xhemail Nuhiun.
Mësohet se Nuhiu do të dalë përsëri përpara gjykatës së ekstradimeve në Londër më 31/10/2025 ora 11:45.
Ai po qëndron në një paraburgim në kryeqytetin britanik.
Nuk dihen rrethanat se si ai u arratis pas krimit nga territori Kosovës për të mbërritur në Britaninë e Madhe.
Edhe autori i dyshuar i vrasjes në Hajvali në arrati, identifikohet nga Policia
Ky është i dyshuari për vrasjen në Hajvali, Policia kërkon ndihmë për kapjen e tij
