Ishte njëri nga personat që hodhi dyshime për manipulim të votave përbrenda votave.
Por pak kohë u desh që Shkëmb Manaj t’i cakohej një post publik.
Ai mori detyrën e nënkryetarit të kryeqytetit.
Kjo lëvizje, u mohua të ketë pasur ndikim nga dyshimet e mëhershme të Manajt për manipulim të votave.
Bazuar në bisedat që po bëhen publike dita ditës, ku shprehet paknaqësia dhe dyshimet për vjedhje të votave brenda për brenda partisë, i pari i LDK-së, i quan si sulme ndaj partisë e cila në zgjedhje doli e treta.
“Sa për informim, temat e brendshme janë diskutuar tashmë në Kryesi. LDK i beson institucioneve tona në çdo drejtim; dhe në këtë drejtim. Ne nuk bëjmë as prokurorinë e as gjyqësinë. LDK i ka besuar institucioneve tona edhe kur ka fituar në tri nivele betejën e tentim anulimit të votave tona me partinë në pushtet. Tri fitore në tri nivele – sepse vota jonë është e shenjtë dhe e drejtë! Prandaj dhe fitorja ligjore. Nga opozita, nga vendi i tretë, nga pozicioni i sulmuar nga të giithë përnjëherë! E drejta megjithatë triumfon”, ka thënë Abdixhiku.
Përkundër këtyre zhvillimeve, kërkohet që kjo parti ta ruajë unitetin dhe t’i adresojë të gjitha paknaqësitë përbrenda partisë.
“Mendoj se partia megjithatë duhet ta ruajë ekuilibrin e funksionimit dhe natyrisht edhe debatin ta zhvillojë brenda partisë për ta sqaruar procesin, për t’i sqaruar veprimet nëse dikush eventualisht ka dashur ta manipulojë procesin në favor të një individi apo një grup individësh. Por brenda partisë, sepse është shumë e rëndësishme që LDK-ja, të qëndroj unike”, shprehet profesori Mazllum Baraliu.
Kur dolën në pah dyshimet e kandidatëve të LDK-së për deputetët për vjedhje të votave të diasporës, akterë të partive të tjera reaguan duke e quajtuar si skandal.
