Drita e Gjilanit ka mbrojtur titullin e kampiont të Kosovës në vojelboll në konkurrencën e femrave.
Skuadra gjilanase u konfirmua kampione në enjten mbrëma pasi në ndeshjen e katërt të serisë finale e mposhti Skenderajn me rezultatin 3:0 në sete.
Drita triumfoi ndaj Skenderajt me rezultatin e përgjithshëm 3:1 në ndeshje dhe kështu vazhdoi dominimin në konkurrencën e femrave në volejboll.
Drita u tregua shumë e fortë dhe më e mirë në ndeshjen e katërt sesa Skenderaj, ekip që nuk shfaqi shumë kësaj here, ndonëse pati përkrahje edhe nga triubunat.
Setin e parë, Drita e fitoi 25:17, për të vazhduar 25:23 në të dytin, përpara se ta fitoj setin e tretë 25:18 për titullin e kampionit.
Për Dritën, ky është titulli i katërt rresht dhe i teti në histori të klubit, ndërsa i ka edhe tetë Kupa të Kosovës.
