Mbrojtësi i Kombëtares së Shqipërisë, Mërgim Vojdova është përfshirë në formacionin e xhiros së parë të Serie A të Italisë.
Vojvoda pati paraqitje fantastike në fitoren e Comos 2:0 ndaj Lazios, për çka është vlerësuar me notën 7.9 nga faqja e specializuar “Ëhoscored.com”.
Vojvoda është njëri prej tre futbollistëve të Comos që kanë zënë vend në ekipin e javës së parë, pasi ndaj Lazios pati 35 pasime të saktë, 2 tentime në portë, 2 driblime të suksesshme dhe 10 prekje të topit në zonën kundërshtare.
30-vjeçari në janar të këtij viti u transferua te Como nga skuadra e Torinos për 2.5 milionë euro.
Ndeshjen e radhës në kampionat, Como e luan në udhëtim ndaj Bolognas, të shtunën në kuadër të xhiros së dytë dhe Vojvoda pritet të jetë i padiskutueshëm në përbërjen e parë.
