Mbrojtësi i krahut, Mërgim Vojvoda ka gjasa të mëdha të largohet nga skuadra e Torinos në këtë afat kalimtar.
Mediumet italiane kanë raportuar se drejtuesit e Torinos po mendojnë shitjen e Vojvodës, i cili nuk ka qenë në formën e tij më të mirë sezonin e fundit.
29-vjeçari prej vitit 2020 është pjesë e Torinos dhe ka kontratë deri në vitin 2025, ndërsa kartoni i tij vlerësohet rreth 4 milionë euro.
Torino është në pritje për të emëruar trajnerin e ri, i cili pastaj do të vendos për të ardhmen e Vojvodës. Te Torino po duan të përfitojnë nga shitja e Vojvodës, duke pasur parasysh se vitin e ardhshëm mund të largohet si lojtar i lirë.
Reprezentuesi i Kosovës sezonin e fundit ka shënuar 1 gol dhe ka bërë 4 asistime në 30 paraqitje për Torinon në të gjitha garat.
