Anëtari i Kryesisë së partisë Guxo, Kujtim Hajdaj ka njoftuar se ka pushuar aktivitetin e tij në këtë parti.
Ai ka thënë se aryseja është mbështetja publike që ka dhënë për presidenten Osmani, si dhe disa rrethana të krijuara sipas tij në parti, për të cilat nuk ka dhënë detaje.
“Duke qenë se unë kam dalë publikisht në mbështetje të Vjosa Osmani për Presidente, dhe duke u bazuar në disa rrethana tjera që m’u janë krijuar në raport me udhëheqjen e Partisë GUXO, që nuk dua t’i komentoj këtu, kam marrë vendim – për një kohë të pacaktuar – që të pushoj aktivitetin tim politik në kuadër të Partisë GUXO, si anëtarë i kryesisë qendrore dhe si koordinator i saj jashtë Kosove”, ka shkruar ai ndër të tjera.
Nga kjo parti të hënën ka dhënë dorëheqje edhe deputeti i zgjedhur Haxhi Avdyli.
