Në Kosovë për një javë erdhën dy ndër zyrtarët me të lartë të sigurisë në botë. Vizita e Shefi i Agjencisë Qendrore amerikane të Inteligjencës (CIA), Uilliam Burns dhe ndihmës- sekretari i përgjithshëm për operacione i NATO-s, Thomas Goffus pritet që te ketë edhe ndikim tek investitorët e huaj në Kosovë. Për këtë nga Oda Ekonomik kërkojnë nga krerët e shtetit te kenë kujdes me gjuhën që përdorin.
Për më pak se një javë në Kosovë për vizitë erdhën dy mysafirë jo të zakonshëm.
Të enjten që lamë pas, Shefi i Agjencisë Qendrore amerikane të Inteligjencës (CIA), Uilliam Burns mbërriti në Prishtinë, ku u taku me krerët e shtetit.
E më 29 gusht, në vizitë zyrtare erdhi edhe ndihmës- sekretari i përgjithshëm për operacione i NATO-s, Thomas Goffus.
Gjithë këto vizita sipas ekspertëve të ekonomisë do të kenë ndikim edhe tek bizneset e investohet e huaj.
“Vizitat janë të mirëseardhura unë po besoj që kanë pasur nevojë për vizita të tilla, për konsultime të tilla por tek bizneset padyshim që ka ngjallur interesim në kuptimin e sigurisë se dihet që të gjithë këta zyrtar të lartë që kanë të bëjnë më sigurinë nuk vijnë për të biseduar për sport ose për kulturë ose për ekonomi tek ta është shumë e rëndësishme”, ka thënë kryetari i Odës Ekonomike të Kosovës, Lulëzim Rafuna.
Edhe për profesorin e ekonomisë, Mustaf Kadrijaj, vizita e këtyre personaliteteve ngjallë pasiguri tek investitorët e huaj.
“Në fakt rritin dozën e pasigurisë që në momentin ka pasiguri në një vend që paraqitet nga media apo ngjashëm investirorët e jashtëm hezitojnë si rezultat i kësaj sidomos në vitet e fundi kemi pak pothuajse fare investime të huaja direkte”, tha Kadrijaj.
Prandaj nga Oda Ekonomike e Kosovës kërkojnë që udhëheqësit e shtetit të kenë kujdese në gjuhën që përdorin.
“Na shumë herë edhe përmes mediumit të juaj ju kemi ftesë udhëheqësve të vendit që të kenë kujdese në mesazhet e tyre sidomos në atë kohë kur ish se ne do të sulmohemi prej Serbisë se do të ketë luftë pasi nuk është e mirë për investitorët e brendshëm por edhe për investitorët e huaj që munden me ardhe me investua në Kosovë”, ka thënë kryetari i Odës Ekonomike të Kosovës, Lulëzim Rafuna.
Ndërkohë, edhe opozita ka adresuar kritika në drejtim të ekzekutivit se me deklarata për situatën e sigurisë po i largon investitorët potencialë nga Kosova.
