Ministri i Shëndetësisë, Arben Vitia, në nder të përvjetorit të 25 të Epopesë së UÇK-së, ka bërë homazhe pranë shtatores së komandantit, Adem Jashari, në Tiranë.
Vitia ishte nën shoqërinë e përfaqësuesve të dëshmorëve të UÇK-së, ambasadorin e Kosovës në Shqipëri, Skender Durmishi dhe përfaqësues nga Bashkia dhe Prefektura e Tiranës, raporton teve1.info.
Vitia, përmes një postimi në Facebook ka thënë se fjala ka fuqinë të shprehë shumëçka, por nuk mund ta thotë në plotni veprën e komandantit, Adem Jashari.
“Fjala ka fuqinë të shprehë shumëçka por nuk mundet ta thotë në plotni veprën e Adem Jasharit, sakrificën sublime për liri të Familjes Jashari”, ka shkruar ministri.
Të pranishëm gjatë homazheve ishin edhe drejtues institucionesh, nxënës shkollash e qytetarë të shumtë.
