Fjalët e Tahir Batatinës pas ndeshjes me Dritën kanë bërë që një opinion i gjerë futbolldashës të flas për të. Menaxheri i talenteve të shumtë, Avni Bytyçi në emisionin e parë sportiv “VAR” për sezonin e ri, deklaratën e trajnerit të skuadrës llapjane e cilësoi si komike.
Bytyçi me pas shtoi se kjo nuk përshkon me profesionalizmin dhe se Batatina, duhet të jetë më i fokusuar të skuadra e tij:
“Opinioni sportiv e me gjerë me shumë tenton me i dëgju deklaratat e Tahir Batatinës se serialin komik ‘Çka ka shpija’. Kjo nuk përshkon me realitetin, por as me profesionalizmin, ai duhet me u fokusu të skuadra e tij. E përgëzoi Llapin për talentët e rinjë që ka bërë, por tash po ndodh e kundërta. Zëvendësimi i Selmanit me Prognin janë dy kurba të ndryshme, pasi Selmani është një kurbë në rritje, teksa Progni në zbritje. Problemi është se ka dashtur me shndërruar një lider në skuadër, edhe pse ka një lider e ai është Kushtrim Shabani”, tha Bytyçi.
